BEACON >>>: 2010

Congratulations

Posted by Mahmoud Ouf under

نتيجة مسابقة تجميل مكة المكرمة ..

تهنئ أسرة بيكون واكاديمية السلاب فريق المنصورة من معيدين أكاديمية مصر والمهندسين بالفوز بمسابقة تجميل مكة المكرمة .من اليمين إلى اليسار : م أحمد يحيى ، م ياسر مهنا ، م أحمد يحيى عنب ، م سامح .

0 comments

مسابقة اللجنة الدينية لأسرة بيكون .. تصميم بوستر عن رسول الله صلى الله عليه وسلم

Posted by Mahmoud Ouf under اللجنة الدينية

بواسطة : احمد ممدوح - اولى عمارة .

0 comments

Beacon Technical Workshop

Posted by Mahmoud Ouf under Tecnology Workshop

ورشة عمل أسرة بيكون لعمل الماكيتات الرقمية .

0 comments

مبرووووووك عليكي يامصر رجالتك

Posted by Mahmoud Ouf under

الموضوع الأصلي

ألف مبروك لمصر ولعشاق الكورة المصرية
مبروك لمصر ............. مبروووووك

يسعدني ان اشارك بهذه الابيات المتواضعة

ما باكتِبش الشعرفيكي يا مصربالسّاهِل
ولكن النهاردة الكلام عنك يا مصر يستاهل
وانا عُمْري..
ما كتبت ف الكورة ولا كنت باجامل
لكن ساعة ما قالولي مصر فازت
ولقيت عيون أبو الهول بتبص فى كل ناحية وحتة حيرانه..
وبتسأل أيه اللى جرى ؟
هى الناس كدة بالشوارع بتجرى ليه فرحانة ؟
شايلة قلوبها بأيديها ولهانه
أيه اللى بيحصل وأنهار البشر فى شوارع البلد مليانه .. ؟
والفرحة فى عيونهم مثل الشمس فى عيون النهار بهرانه
أيه الرايات والأعلام واليافطات " الحمرة " دية ؟
هى براكين الدم تفجرت فى عروق الزمن من تانى ؟
أيه يامصر ... ؟
أيه يامحروسة ... ؟
أيه يانيل ... ؟
دا شكل الدمعة فى عيون ولادك بكانا !!!
ساعتها بس لقيت الكلام جوايا بيتقاتل
عايز يخرج ويعبر
بالكلام اللي يستَهلك والسبب في دا كله
ان مقامك عندي يا مصر في السما عالي
وحبك اللي ساكن في قلبي حب مش عادي
دي فرحتي بيكي مخلياني اقدر اكيد الأعادي
ولما قالوا لي مصر النهارده تستاهل تغنيلها
وتقول فيها شعر
يرجع الفرحة تاني لشعبها ونيلها
قلت قوام وبتلقائية
عشرة على عشرة يامصر ...

وعمار يا أحلى مصر ...

أنا مش بتكلم لانى أبوالهول .. ( حارس الاهرامات ) ؟

ولا بقول كلامى بنرجسية ، ولا بتعالى وفوقية ...

لا .. أنا بقولها لانى بحبكم يا فخر بلدنا ياشطار ...

يا قرص الشمس فى عيون النهار

بحب كل حاجة فيك يامحروسة ..

وبحب أشرب من نيلك كل ماجيلك ..

بحب أسمع صوتك ..

دي دقات قلبك مزروعة جواى ..

وبحب أرفع رايتك ..

وبحب المعلم شحاته ...
اللى شفت النيل بيجرى بوشه ، والقمر بيضوى كمان ...
واقف على رجليه زي الاسد ...

اللي بيدافع عن عرينه وقلبه بيضخ النيل
وعيونه عاملة مثل حبات الرمانة ..

الحمرة بلونها خايفة ،
وحباتها ب80مليون أنسان وأنسانة !!!

كلهم مستانين وبيقولوا :

" عدى يازمااااااان وتكلم ،

والفرحة جابها المعلم "

ايه !!!!!.... حأأأأأقول أيه ولا ايه ...

وعيونى بالدمع مليانة ؟
ايه اللى بيحصل ياناس؟
دى الليلة ليلة مش مثل كل الليالى ...
والناس مش عايزة تنام ..
واللى شفته ولا فى الاحلام ..
مباراه ولا فى الافلام ..
رجولة ومش عاوزة كلام ..

يافن ولعب ما بيخلص..

حارس المرمى الهمام
اللي وقع وماحدش سمى عليه ..
وأعترف وقالها ... قوام
كلمة و بألف كلمة !!
اللعب مع الفراعنة ..
أوهـــــاااااااااام ..
مش ممكن ..
عملتوا أيه ياجدعان ... ؟
وحشانا الفرحة دى من زمااااااان ..
وأكثر من كدة مش حأقدر أقول !!!
وكفاية اللى فى قلبى
ويافرحتك يابو الهول ...

والف مبروووووك لمصر ....